सेक्स मासुभात जस्तै होः मोडल केसी....

 नेपाली चलचित्र क्षेत्रमा नयाँ-नयाँ नायिका बन्ने क्रम तीब्र भएको छ ।  यस्तै नायिका बन्ने तीब्र इच्छा भएकी मोडल सोनु केसीसंग नेपालपाटी डटकमले गरेको कुराकानीः-

नेपाली कलाकारिता क्षेत्रलाई कसरी बुझ्नुभएको छ ?

राम्रो हिसावले अगाडि बढ्ने हो भने समाजमा सकारात्मक सन्देश प्रवाह गर्न सकिन्छ ।  यस क्षेत्रमा अझ धेरै काम गर्न बाँकी छ जस्तो लाग्छ । कतिपय सही बाटोमा हिडिरहेका छन भने कतिपय गलत बाटोमा पनि छन् । गलत त्यग्दै सही बाटो पहिल्याउँदै अघि बढ्नुपर्छ ।

समग्रमा नेपाली कलाकारिता क्षेत्र उकालो÷ओरालो कतितिर गइरहेको छ ?
ओरालो ।

किन ?

फिल्महरु पनि पहिलेको जस्तो बन्दैन । दर्शकलाई मार्गदर्शक गर्ने खालको भन्दापनि जे मन लाग्यो त्यही बनाउने क्रम चलेको छ । दर्शकको चाहना के छ त्यसको अध्ययनविनै फिल्महरु बन्ने गरेका कारण ओरालो लाग्ने क्रममा छ । निर्माता÷निर्देशकहरु पनि थोरै ज्ञान लिएर यस क्षेत्रमा आउनुहुन्छ । नायिका÷मोडल भन्ने वितिकै मानिसको सोच नै नकारात्मक हुने भएकाले पनि यस क्षेत्र खस्किएको जस्तो लाग्छ ।

तपाई यो क्षेत्रमा के सोचेर आउनुभयो ?

सफल नायिका हुन्छु र समाज विकासमा योगदान पुर्याउछु भनेर यो क्षेत्रमा प्रवेश गरेकी हुँ ।

तपाईको इच्छा कहिलेसम्ममा पुरा होला ?

१÷२ वर्षभित्र म सफल नायिका बन्छु भन्ने लागेको छ ।

त्यसका लागि के–के तयारी गरिरहनुभएको छ ?

म्युजिक भिडियोहरुमा राम्रो गरिरहेको छु । एक्टिङ राम्रो बनाउन लागिरहेको छु । सफल नायिका बन्न आवश्यक पर्ने सम्पूर्ण काम गरिरहेको छु ।

के देखेर तपाई कलाकारितामा आकर्षित हुनुभयो ?


नायिका बन्ने रहर सानैदेखि थियो । बीचमा रेखा थापाको अभिनय देखेर थप आकर्षित गर्यो । रेखाको फिल्म एउटा पनि छुटाएको छैन । हलमा छुटेको पनि घरमा ल्याएर हेर्छु ।

रेखाको के चाँही मनपर्ने ?

एक्टिङ, अनुहार आदि सवै मन पर्छ ।

नेपाली हिरोमा ?

आर्यन सिग्देल ।

आर्यनको के मन पर्ने ?

चकलेटी फेस, एक्टिङ राम्रो छ ।

तपाई हिन्दी, नेपाली वा इङलिस कुन फिल्म बढी हेर्नुहुन्छ ?

हिन्दी पनि हेर्छु तर बढी नेपाली फिल्मनै हेर्छु ।

कतिको गाह्रो छ यस क्षेत्रमा ?

निर्देशकको भनाई खानुपर्छ । फिल्म खेल्नेलाई मानिसहरुले राम्रो पनि भन्दैन ।

जस्तै ?

निर्देशकहरुसंग जान्छ आदि, इत्यादी भन्छन । तर सवै त्यस्तो हुदैनन् । यस पाटोलाई पनि बुझ्नुपर्छ ।

संगै फिल्ममा हेल्दा त संगै हिड्नै पर्यो नि हैन ?

पर्छ । तर मानिसहरुले सकारात्मक सोचले भन्दैनन । कोही कोही गलत होलान । तर त्यसको असर सवैमा पर्छ ।