दाजुभाइ धेरै हुनेमा अत्यधिक यौनशक्ति

लन्डन, २० वैशाख-  विवाहका लागि जीवनसाथी खोजिरहेका युवतीहरूका लागि हो यो सुझाव, धेरै दाजुभाइ भएकालाई आङ्खनो जीवनसाथीका रूपमा चुन्नुहोस् किनभने यस्ता पुरुष धेरै बच्चा पैदा गर्न सक्षम हुन्छन् । यो हामी भनिरहेका छैनौं बरु लन्डनका वैज्ञानिकले गरेको शोधको परिणाम हो यो । उनीहरूले गरेको अध्ययनमा दाजुभाइ धेरै भएका पुरुषको वीर्यमा शुक्राणुको संख्या अन्यकोमा भन्दा बढी पाइएको हो । बेलायतको सेफिल्ड विश्वविद्यालयले ५ सय पुरुषमा यो अध्ययन गरेको हो । शोधमा सबैको वीर्य जाँच गरिएको थियो । जुन पुरुषमा ‘मेल फर्टिलिटी’ राम्रो हुन्छ उनीहरूको सन्तान बढीजसो केटा हुने वैज्ञानिक मान्यता छ । 

   वीर्यमा दुई प्रकारका शुक्राणु हुन्छन्, भाले र पोथी । भाले शुक्राणुको संख्या पोथीको तुलनामा कम हुन्छ र यस्ता शुक्राणुको गति पनि ज्यादा हुन्छ । उल्लेखनीय छ अन्डाशयमा भाले शुक्राणु तब मात्र पुग्न सक्छ जब यसको गति तीव्र हुन्छ ।   यही सिद्धान्तका आधारमा यो शोध गरिएको हो । अध्ययनमा वीर्यको रिपोर्टलाई पुरुषका दाजुभाइको संख्यासँग तुलना गरिएको थियो र यसमा धेरै दाजुभाइ हुने पुरुषको वीर्यको शुक्राणुको गति तीव्र पाइएको हो । यसको मुख्य कारण उनीहरूको परिवारको वंशाणु हो ।   ‘जुन मानिसको शुक्राणुको गति बढी पायौं उनीहरूको दाजुभाइको संख्या पनि दिदीबहिनीको संख्याको तुलनामा बढी पायौं । यसबाट उनीहरूको परिवारको वंशाणुमा बलियो उर्वरता भएको थाहा हुन्छ ।’ शोधकर्ता डा. एलन पेस भन्छन्, ‘तर अफसोच यो शोधमा पुरुष उर्वरतालाई कसरी बढाउन सकिन्छ भन्नेबारे केही तथ्य पत्ता लागेन ।’