काठमाडौंमा आयोजित १८ औं सार्क सम्मेलन सफलतापूर्वक आयोजना गरेको श्रेय लिएर मख्ख पर्नु पर्ने सत्ता पक्षका दलहरु त्यही सम्मेलनकै कारण थप तनावमा परेका छन् । हुन त उनीहरु सार्क सम्मेलनमा कुनै अनिष्ट भएर वा ब्यवस्थापकीय त्रुटीका कारण यसरी तनावमा परेका भनेका होइनन् । सहमति सहमति नभए बहुमतीय आधारमा भएपनि संविधान बनाएरै छाड्ने र माघ ८ पछि सत्तामा जाने योजनामा रहेका एमाले अध्यक्ष केपी ओली परेका छन् सबै भन्दा तनावमा सार्क सम्मेलनपछि । कारण हो सार्क सम्मेलनकै क्रममै काठमाडौं आएका भारतीय प्रधानमन्त्री नरेन्द्र मोदीले बीर अस्पतालमा दिएको भाषण सत्तारुढ दलहरुलाई बिझाएको छ ।
सबै भन्दा विझेको छ एमाले अध्यक्ष केपी ओलीलाई । भारत दाइना नहुँदा सत्तामा जान पनि नसकिने तर भारतकै कारण सत्तामा जानका लागि तगारो पर्ने अवस्था आएपछि ओलीको तनाव चुलिएको विश्लेषकहरु बताउँछन् । किन दिए मोदीले ओलीलाई झापड ? अघिल्लो पटक गत साउनमा नेपाल आउँदा साउनमा नेपाल आउँदा संविधानसभामा बोल्दै मोदीले नेपाली नेताहरुलाई भनेका थिए छिटो भन्दा छिटो संविधान बनाउ र संविधान बनाउन ऋषि मन चाहिन्छ । त्यसो भनिरहँदा पनि मोदीले कुनै विशिष्ठ मामिलामा भने हस्तक्षेप गरेका थिएनन् । तर यस पटक यस्ता विषयमा बोल्नै नपर्ने सार्क सम्मेलनमा आएका मोदीले सोंच्दै नसोंचेको विषयमा मुख खोले त्यो पनि चेतावनीपूर्ण शैलीमा । पछिल्लो समयमा एमाले अध्यक्ष केपी ओलीले आफ्नै पार्टी भित्रको माधव नेपाल समूह र पार्टी बाहिर एमाओदी लगायतका विपक्षीहरुलाई गन्दै नगन्ने किसिमका अभिब्यक्ति दिँदै आएका थिए । उनले माओवादी आए पनि नआएपनि संविधान माघ ८ मै बन्ने र सहमति नभए बहुमतीय आधारमा बन्ने भनेर पटक पटक अभिब्यक्ति दिएका थिए । तर उनको मुखमा मोदीले एक्कासी बुझो लगाइदिएका छन् ।sourse:nepalheadline
Post a Comment