रेखा थापा आफ्नैमा कतै पनि अटिनन्

गत वर्ष अभिनेत्री रेखा थापाले चलचित्र ‘हिम्मतवाली’का निर्देशक श्याम भट्टराईलाई छायंकन सुरु भएको दोस्रो दिन नै निर्देशकबाट हटाएकी थिइन् ।

यस पछि यी दुई बीचको लामो वादविवाद एकले अर्कालाई गाली नगर्ने सर्तमा टुंग्यो । तर, रेखा थापासँग काम गर्न निर्देशक भट्टराई तयार छैनन् । रेखा थापाले अभिनय गरेको यस अघिका दुईओटा सिनेमालाई अब श्याम भट्टराईले ‘सिक्वेल’ (दोस्रो भाग) निर्देशन गर्दै छन् । तर, दुबै फिल्ममा रेखाको अभिनय भने रहने छैन ।

आइतबार राजधानीमा आफ्नो ५० औं जन्मदिन मनाउने क्रममा निर्माता छविराज ओझाले चलचित्र ‘किस्मत–२’ को निर्माण गर्ने र निर्देशनमा श्याम हुने घोषणा गरे । तर रेखालाई भने नखेलाईने प्रस्ट पारे । रेखालाई उनै छविले फिल्म क्षेत्रमा ल्याएका थिइए । हिंजोको राजधानी दैनिकमा खबर छ । एजेन्सी