आशा भोसलेकी छोरीले आत्महत्या गरिन्

मुम्बई, आश्विन २२ - भारतीय गायिका आशा भोसलेकी छोरीले आत्महत्या गरेकी छन् ।
मुम्बईको पेडर रोडस्थित निजी निवासमा छोरी वर्षाले कन्चटमा गोली हानी आत्महत्या गरेकी हुन् । भारतीय न्यूज च्यानलका अनुसार आशा भने देशबाहिर छिन् । एक पुरस्कार समारोहमा भाग लिन उनी सिंगापुर रहेकाबेला छोरीले आत्महत्या गरेकी हुन् ।
वर्षाले यसअघि पनि आत्महत्या कोशिश गरेको समाचारमा जनाइएको छ । ५६ वर्षीया वर्षा हिन्दी र मराठी फिल्ममा गीत गाएकी थिइन् भने स्वतन्त्र पत्रकारिता गर्दै थिइन् । केही भारतीय अखबार र वेबसाइटका लागि उनी राजनीतिक खबर लेख्दिन् ।
www.ekantipur.com