अफगानिस्तानमा सामूहिक बलात्कार गर्ने ७ जनालाई मुत्युदण्ड

भदौ २२ - अफगानिस्तानमा सामूहिक बलात्कार गर्ने ७ जनालाई मुत्युदण्डको सजाँय सुनाइएको छ ।
गत महिना एक युवतीलाई अपहरण गरेर बलात्कार गरेको अभियोगमा उनीहरुलाई अदालतले मृत्युदण्डको सजाय सुनाएको बिबिसीले जनाएको छ ।
सजाय सुनाइएकामध्ये २ जनाले भने लुटपाटमा संलग्न भएपनि बलात्कार नगरेको बताएका छन् । उनीहरुले यो फैसलाविरुद्ध पुनरावेदन दिन सक्नेछन् ।
लुटपाट र बलात्कारको घटनालाई लिएर अफगानिस्तानमा प्रदर्शन चर्किएको थियो भने अफगान राष्ट्रपति हमिद कारजाईले नै बलात्कारमा संलग्नलाई मृत्युदण्डको सजाय हुनुपर्ने बताउनुभएको थियो । ह्युमन राइट वाचका अनुसार अफगानिस्तानमा बलात्कारका मुद्धा दर्ता भएपनि मेलमिलापमा टुंगिने गर्दा महिलाले न्याय नपाउने अवस्था रहेको छ । भिडियो हेर्न तल क्लिक गर्नुहोस :