आमालाई कुटेर छोराको घाँटी थिचेर हत्या

असार ७ ,जनकपुर । जनकपुरमा ओछ्यान मै आमाछोराको हत्या भएको छ । शनिबार राति सुतिरहेको अवस्थामा आमा र छोराको हत्या भएको हो ।

शनिबार राति जनकपुर नगरपालिकास्थित मैदुल खातुन र उनको छोरा ७ बर्षका छोरा अमरुल साफीको अज्ञात समूहले हत्या गरेको हो ।

घरमा सुतिरहेको अवस्थामा आमालाई काठले हिर्काएर र छोराको घाँटी थिचेर हत्या गरिएको हुनसक्ने प्रहरी जनाएको छ । तर एउटै कोठामो सुतेका उनका १२ वर्षीया छोरी र ९ वर्षका छोराले घटनाबारे केही थाहा नपाएको बताएका छन् ।

हत्यापछि लुटपाट पनि भएकाले लुटेराहरुको समूहले हत्या गरेको हुनसक्ने प्रहरी अनुमान गरेको छ । घटनाको थप अनुसन्धान भइरहेको प्रहरीले जनाएको छ ।