सुतेको ठाउँमा आमा छोराको हत्या

 जनकपुर, असार ८ – जनकपुरमा शनिबार राती सुतेको ठाउँमा आमा छोराको हत्या भएको छ ।
जनकपुर नगरपालिका ४ आनन्दनगरकी मैदुल खातुन र उहाँका छोरा ७ बर्षका छोरा अमरुल साफीको हत्या भएको हो । घरमा सुतेका बेला आमा मैदुलको काठले हिर्काएर र छोरालाई घाँटी थिचेर हत्या गरिएको हुनसक्ने प्रहरी नायव उपरीक्षक दिलिप घिमिरेले जानकारी दिनुभयो ।

हत्यापछि लुटपाट पनि भएकाले लुटेराले हत्या गरेको हुनसक्ने प्रहरीको अनुमान छ । एउटै कोठाको फरक ओछ्यानमा सुतेका १२ बर्षकी छोरी र ९ बर्षका छोराले भने घटनाबारे थाहा नपाएको बताएका छन् । मैदुलका श्रीमान आलम साफी एक बर्षदेखि रोजगारीको सिलसिलामा कतारमा हुनुहुन्छ