घरमा कम्प्युटर वा ल्यापटप बिग्रिहालेमा हतपत्त कसैले त्यसलाई खोलीहाल्ने
आँट गर्दैन । त्यसभित्रका पाटपुर्जा कहाँ के छन् र कसरी काम गर्छन् भनेर
बुझ्नु साधारण मानिसलाई निकै गाह्रो काम हो ।
तर भारतमा एक ९ वर्षीया बालिकाले १० मिनेटभित्रै ल्याप्टपका सबै पाटपुर्जा
खोलिदिएर रेकर्ड राखेकी छिन् । आदर्शिनी नाम गरेकी यी बालिका तामिलनाडुकी
हुन् । उनले पहिलो पटक आफ्नो बुबाको कम्प्युटर शो रुममा ल्यापटपका
पाटपुर्जा कसरी खोल्ने भन्ने कुरा देखेकी थिइन् र उनले त्यहीँ नै यसबारे
सिकेकी थिइन् ।
हाइटेक ग्याजेटप्रति उनको रुचि देखेर उनका बुबाले ल्यापटपका पाटपुर्जा
राम्ररी बुझ्नका लागि प्रशिक्षक नै राखिदिएका आदर्शिनीले बताइन् ।
भियतनामको वल्र्ड रिकर्डस् युनिभर्सिटिले उनलाई डक्टरेटको उपाधिसमेत दिएको छ
। उनले अरु धेरै प्रतियोगितामा धेरै पदकहरुसमेत हात पारेकी छन् ।
Post a Comment