सबैभन्दा लोकप्रिय कपिलको कमेडी शो बन्द हुँदै

भारतीय टेलिभिजनमा सबैभन्दा लोकप्रिय मानिएको कमेडी शो कमेडी नाइट्स विथ कपिल बन्द हुने भएको छ । यो उनका फ्यानहरूका लागि दुःखको समाचार हो ।
उक्त शो आगामी सेप्टेम्बरबाट बन्द हुने भारतीय सञ्चारमाध्यमले जनाएका छन् । उक्त लोकप्रिय शो बन्द हुने खबरको यसैका प्रस्तोता कपिल शर्माले खुलासा गरेका हुन् ।
कपिलले ट्विटर मार्फत् शो बन्द हुने जानकारी गराएका हुन् । तर उनले पुनः नयाँ कलाकार र नयाँ च्यानल मार्फत् फर्किने पनि बताएका छन् । उनले कुनै च्यानल मार्फत् नफर्किञ्जेल फ्यानहरूलाई निराश नहुन पनि आग्रह गरेका छन् ।
उक्त शो सन् २०१३ देखि भारतीय टीभी च्यानल कलर्स मार्फत् निरन्तर प्रशारण हुँदै आएको छ । छोटो अवधिमै उक्त शो टेलिभिजन कार्यक्रममध्येकै नम्बर एक बन्न सफल भएको थियो । कपिल केही समयपछि नै फिल्म बैंक चोरबाट बलिउडमा डेब्यु गर्दै छन् । उनको कमेडी शो बन्द गर्नुपर्ने प्रमुख कारण पनि यही फिल्म नै हुन सक्ने अनुमान गरिएको छ ।