वैज्ञानिकका अनुसार घुलनशील मात्र नभएर यौनिक रोगहरुबाट बचाउन पनि यो लाभदायक छ । यसको प्रयोगले वीर्य पाठेघरतिर जानबाट त रोकिन्छ नै, यसका अतिरिक्त एचआईभी ड्रग्स र हर्मोनल कन्ट्रासेप्टिब्स पनि शरीरमा प्रवाह गर्छ । यसले गर्दा गर्भ नरहने, एचआईभीबाट बचिने, विनाझन्झट यौन आनन्द लिन सकिने भएको छ । युनिभर्सिटी अफ वासिङ्टनका शोधकर्ताकहरुले मिहिन माइक्रोफाइबर्सबाट इलेक्ट्रोस्पिनिङ प्रोसेसबाट यो कन्डम बनाएका छन् ।
कपडाको रेसाजस्तो यो फाइबरलाई मिहिन जालोमा परिणत गरिएको हुन्छ । यो कन्डम प्रयोग गरेर यौनकार्य सकिएको केही मिनेटमै शरीरमा घुल्छ । यो खोज पूरा गर्न १ मिलियन डलर खर्च भएको छ । वासिङ्टन युनिभर्सिटीका बायोइन्जिनियरिङ प्राध्यापक किम वुडरोले एचआईभी इन्फेक्सन र अनिश्चित गर्भधारणबाट बच्न यस किसिमको कन्डम तयार गर्ने आफ्नो सपना पहिलेदेखिकै भएको बताएका छन् ।
Post a Comment