अभिनेता श्रीकृष्ण श्रेष्ठले निर्माण गरेको ‘कहाँ भेटिएला’ले कमालकै
व्यावसाय गर्यो । 'कहाँ भेटिएला’ को अपार सफलता पछि श्रीकृष्ण ‘कोहिनूर’
लिएर आएका छन् । ‘कहाँ भेटिएला’ जोडी श्रीकृष्ण श्रेष्ठ र श्वेता खड्का
दोहोरिएको ‘कोहिनूर’ आउँदो साउन २३ गते अल नेपाल प्रदर्शन हुँदैछ ।
भारतको कोठीमा बेचिने नेपाली चेलीको कथालाई ‘कोहिनूर’ मा उठाइएको छ ।
फिल्मलाई आकाश अधिकारीले निर्देशन गरेका हुन् । श्रीकृष्ण र श्वेताको
बिहेसँगै ‘कोहिनूर’ फिल्मको यतिबेला चर्चा छ । दोहोरो चर्चाले के फिल्मको
व्यापारलाई फाइदा गराउला ? रियल जोडीको फिल्म हेर्न दर्शक हलसम्म ओइरिएलान्
?
निर्माता एवं अभिनेता श्रीकृष्ण श्रेष्ठ ‘कोहिनूर’ सफल हुनेमा ढुक्क छन् ।
श्रीकृष्ण भन्छन्, ‘दर्शकलाई मन पर्ने फिल्म बनाएका छौं । फिल्मले लगानी
उठाएर नाफा कमाउँछ भन्नेमा म ढुक्क छु ।’ बढी बजेटको ‘कोहिनूर’ को प्रचार
प्रसारमा श्रीकृष्णले तिव्रता दिइरहेका छन् ।
फिल्मीखबरसँगको कुराकानीमा श्रीकृष्णले बिहेको लगनभने टुङ्गो लागि नसकेको बताए । ‘एक हप्तामा बिहेको लगन थाहा हुन्छ’ श्रीकृष्णले भने, ‘अहिले हामी फिल्मकै काममा व्यस्त छौं ।’
Post a Comment