जेष्ठ-२७, काठमाडौँ (सास) । पछिल्लो समय स्वास्थ्यमा आएको विभिन्न समस्याको
उपचारका लागि प्रधानमन्त्री कोइराला अमेरिका जाने तयारीमा छन् ।
प्रधानमन्त्रीका प्रेस संयोजक प्रकाश अधिकारीका अनुसार कोइराला नियमित
स्वास्थ्य परीक्षणका लागि अमेरिका जाने तयारीमा रहेको पुष्टि भएको हो ।
उपचारकालागि कोइराला २ महिना अमेरिका बस्ने बताइएको छ ।
प्रधानमन्त्री कोइरालालाई फोक्सो क्यान्सरको आशंका गरिएको छ ।
स्वास्थ्य जाँचका क्रममा जिब्रोको क्यान्सर बढेर फोक्सोमा पुगेको
चिकित्सकहरुले बताएपछि उनी दुई महिनाका लागि अमेरिका जाने भएका छन् । यस
अघि पनि उपचारका लागि कोइराला अमेरिका पुगिसकेका छन् । कोइराला २०६२/६३ को
जनआन्दोलन हुँदा सेनाको गाडीले ठक्करका कारण अस्पताल भर्ना भएका थिए ।
त्यतिखेर कोइरालाको जिब्रोमा क्यान्सर देखिएको थियो । उनले न्युयोर्कस्थित
क्यान्सर सेन्टरमा जिब्रोको शल्यक्रिया गराएका थिए । त्यो यताका हरेक बर्ष
कोइरला स्वास्थ परिक्षणका लागि अमेरिका जाने गरेका थिए । अघिल्लो वर्ष १३
असारमा उनी अमेरिका पुगेका थिए ।
तर अहिले लामो समयदेखि निमोनियाबाट पीडित बनेका कोइराला चिकित्सकको
निगरानीमा छन् । प्रधानमन्त्री निकट स्रोतका अनुसार कोइराला संसद अवरोधको
कुरा मिलाएर अमेरिका जाने तयारीमा छन् । भारत भ्रमणपछी कोइरालाको
स्वास्थ्यमा समस्या बढेर गएको चिकित्सकको भनाई छ । फोक्सोमा देखिएको दागका
कारण पनि चिकित्सकहरुले कोइरालालाई छिट्टो अमेरिका जान सुझाएको बालुवाटार
स्रोतले बताएको छ ।
Post a Comment