काठमाडौं,असार५–इराकमा मुस्लिम लडाकुद्वारा नेपाली अपहरित भएको समाचार
सार्वजनिक भएका छन् । टर्कीका समाचार समितिहरु डोगन र अनाडोलुलाई उद्धृत
गर्दै अन्तर्राष्ट्रिय संचारमाध्यमले किर्कुक सहरमा नेपालीहरु अपहरणमा
परेको जनाएका हुन् ।
किर्कुकमा अस्पताल निर्माणमा संलग्न नेपालीसहित पाकिस्तान,बंगलादेश र
तुर्कमेनिस्तानमा नागरिकसहित ६० जना अपहरणमा परेको समाचारमा जनाइएको छ ।
इराकको उत्तरी क्षेत्रमा केही दिनदेखि आक्रमण गर्दै आएको इस्लामिक स्टेट इन
इराक एण्ड सिरिया ९आइसिस० का लडाकुद्वारा उनीहरु अपहरित भएका हुन् ।
तर नेपाली अपहरणमा परेकोबारे परराष्ट्र मन्त्रालयलाई भने स्पष्ट जानकारी
छैन । परराष्ट्र मन्त्रालयका अधिकारीहरुले समाचार सुनेर मात्र जानकारी
पाएको भन्दै अनुसन्धान भइरहेको जनाएका छन् । परराष्ट्र मन्त्रालयका निमित्त
सचिव शंकरदास बैरागीले पनि अपहरणबारे आधिकारिक सूचना प्राप्त नभएको बताएको
आजको नायँपत्रिका दैनिकमा खबर छ ।
Post a Comment