१३ भदौ, काठमाडौं । युरोपियन च्याम्पियन रियल मड्रिडका स्ट्राइकर क्रिष्टियानो रोनाल्डो युरोपको सर्वोत्कृष्ट फुटबलर घोषित भएका छन् ।
उनले बार्यन म्युनिखका स्ट्राइकर अर्जेन रोबिन र गोलरक्षक म्यानुयल नुयुरलाई पछि पार्दै ‘बेष्ट प्लेयर इन युरोप अवार्ड’ जितेका हुन् । पोर्चुगलका २९ वर्षीय स्ट्राइकर रोनाल्डोले गत सिजन कीर्तिमान १७ गोल गर्दै रियललाई च्याम्पियन बनाएका थिए ।
‘म निकै खुसी छु र टिमका साथीहरुलाई धन्यवाद दिन चाहन्छु किनकी टिमको सहयोग विना व्यक्तिगत रुपमा अवार्ड जित्न सक्दिन’ उनले भनेका छन् ।
युरोपियन देशका खेल पत्रकारहरूले गरेको मतदानका आधारमा रोनाल्डोलार्इ सन् २०१३/१४ का लागि अवार्ड प्रदान गरिएको हो । रोनाल्डोलार्इ युइएफएका अध्यक्ष मिचेल प्लाटिनीले अवार्ड प्रदान गरे ।
गत सिजन स्पेनिस ला लिगामा तेस्रो स्थानमा चित्त बुझाएको रियलका लागि रोनाल्डोले ३० खेलमा ३१ गोल गर्न सफल भएका थिए ।
भिडियो हेर्न यहाँ क्लिक गर्नुहोस >
Post a Comment