फेसबुकमा शोषण, दु:खी छात्राद्वारा आत्महत्या

नयाँ दिल्ली (एजेन्सी)– फेसबुकमा बनाएको साथीले कथित रुपमा शोषण गरेका कारण ११ कक्षामा पढ्ने एक छात्राले घाँटीमा पासो लगाएर आत्महत्या गरेकी छिन् । छात्राले ६ पनाको सुसाइड नोट पनि लेखेकी छिन् जसका आधारमा पुलिसले मुख्य आरोपीलाई पक्राउ गरेको छ । पुलिसले घटनाको छानविन गरिरहेको छ ।
घटना पश्चिमी कलकत्ताको बेहाला पार्नसारी इलाकाको हो । यहाँ बस्ने एक १७ वर्षीया छात्राले फेसबुकमा भएको शोषणसँग हार मानेर बुधबार आफ्नो कोठामा आत्महत्या गरेकी छिन् । छात्राद्वारा लेखिएको सुसाइड नोटमा उनलाई आफ्नो फेसबुक साथीले आत्महत्या गर्नका लागि उक्साएको आरोप लगाएकी छिन् ।