आफ्नै दाजुले गरे भाइको कुटीकुटी हत्या

गुल्मी,असार१३– गए राती अर्घाखाँचीको भगवती गाविसमा आफ्नै दाजुले भाईलाई कुटेर मारेका छन् । भगवती गाविस वडा नम्वर–१ का २२ वर्षिय रामलाल पाण्डेलाई ३२ वर्षिय आफ्नै दाजु भिमलाल पाण्डेले कुटेर गम्भीर घाईते बनाएपछि उनको उपचारको क्रममा गएराति नै मृत्यु भएको हो ।
गुल्मीका निमित्त जिल्ला प्रहरी प्रमुख प्रहरी निरक्षक राजेन्द्रप्रसाद श्रेष्ठका अनुसार उनको तम्घास अस्पतालमा उपचारका क्रममा गएराति करिव ३ वजे तिर मृत्यु भएको थियो ।
मृतकका फरार दाजु भिमलालाई प्रहरीले आज विहान करिव ८ वजेतिर रेसुङ्गा नगरपालिकाको नेटा भन्ने स्थानबाट पक्राउ गरेको प्रहरी निरक्षक श्रेष्ठले जानकारी दिए । जिल्ला प्रहरी कार्यालय अर्घाखाँचीले गुल्मी जिल्ला प्रहरीलाई हुलिया सहित खोज तलासका लागि सहयोग गरी दिन आग्राह गरेपछि गुल्मी प्रहरी तत्कालै निजलाई पक्राउ गर्न सफल भएको हो ।
ती दुई भाईबीच झगडाको कारण भने खुलेको छैन । अभियुक्त पाण्डेलाई जिल्ला प्रहरी कार्यालय, अर्घाखाँची पठाईने श्रेष्ठले बताए ।
प्रेम सुनार
ratopati