युवकले आफूले मन पराएकी युवतीले बिहे गर्न अस्वीकार गरेपछि आक्रोशमा आएर आफैलाई।चक्कु प्रहार गरेका हुन् ।
लमजुङ बाँझाखेतका २६ वर्षिय दीपक रिमालले बिहे गर्ने प्रयास असफल भएपछि आफैंमाथि छुरी प्रहार गरेको बताइएको छ । बिहेको तयारीमा रहेकी गोरखा पालुङटारकी सोविता देवकोटा र उनको डुम्रेमा भेट भयो ।
दुबैले एक अर्कालाई प्रेम गरेको दाबी गर्नेे देवकोटालाई आफैसंग बिहेको प्रस्ताव भेटमा गरे । तर बिहेको तयारी गरि सकेकी देवकोटाले अस्वीकार गरिन् । आफू साथी मात्र भएपनि उनले दवाव दिएपछि अस्वीकार गर्दा छुरी हान्न लागेपनि भाग्यवस उम्किएको उनले बताइन् ।
स्थानीय प्रेम होटलमा दुवैबीच बिहेको विषयमा विवाद चलेपछि आफूसंग बिहे नगरे कसैसंग गर्न नदिने भन्दै रिमालले देवकोटामाथि छुरी हानेका थिए । तर उनले छुरीबाट जोगिंदै भागेपछि रिमालले आफैंलाई छुरी प्रहार गरेको प्रत्यक्षदर्शीले बताएका छन् ।
घाइते रिमालको पश्चिमाञ्चल क्षेत्रीय अस्पताल पोखरामा उपचार भैरहेको इलाका प्रहरी कार्यालय भानुमुकाम डुम्रेका प्रहरी निरीक्षक राजकुमार शिलवालले जनाए ।
Post a Comment