सामान्य कोषहरूले असामान्य व्यवहार देखाउन सुरु गरी अनियन्त्रित वृद्धि र विभाजन भई ट्युमर बनेर क्यान्सरको प्रारम्भ हुन्छ । यदि उपचार समयमै भएन भने क्यान्सरका कोष सुरुको ट्युमरबाट बाहिर निस्केर शरीरका अन्य अङ्ग वा तन्तुमा पुगी त्यहाँ पनि वृद्धि हुन थाल्छन् । जुन अवस्था मेटास्टेसिस हो । मेटास्टेसिस क्यान्सरबाट मृत्युको प्रमुख कारण हुन्छ । त्यसैले क्यान्सरको उपचार प्रभावकारी बनाउने हो भने मेटास्टेसिस बारेमा राम्रोसँग बुभ्mनु जरुरी छ । क्यान्सरजन्य कोषहरूलाई सुरुको ट्युमरबाट बाहिर निस्केर अन्य भागमा जान सहयोग गर्ने पक्ष खोज्न वैज्ञानिकहरू धेरै पहिलेदेखि लागिपरेका छन् ।
शरीरमा कोषहरू सतहमा हुने तत्व इन्टिग्रेन्सले गर्दा आपसमा टाँसिएर बस्ने गर्छन् । त्यही इन्टिग्रेन्सको सहयोगमा क्यान्सर कोषहरू ट्युमरबाट निस्केर शरीरको अन्य भागमा गएर वृद्धि हुने तथ्य हालेका वर्षमा वैज्ञानिकले पत्ता लगाएका छन् । यसैकारणले इन्टिग्रेन्सलाई रोकेर क्यान्सरजन्य कोषलाई अन्यत्र जानबाट रोक्न सकिने भनी समाधान खोज्ने प्रयास भइरहेको छ । नयाँ अनुसन्धानले खराब कोलेस्टेरोलको सहयोगमा इन्टिग्रेन्स गतिशील हुने तर राम्रो कोलेस्टेरोलले तिनीहरूलाई कोषभित्र रहन बाध्य पार्ने खोज गरेको छ । खराब कोलेस्टेरोल एलडीएलले इन्टिग्रेन्सलाई एक ठाउँबाट अर्को ठाउँमा जान सहयोग गर्ने भएकाले क्यान्सरजन्य कोषको ओसारपसारमा यसको स्पष्ट भूमिका देखिएको छ । यसले नै क्यान्सरलाई मेटास्टेसिसको अवस्थामा पु¥याउने अनुसन्धान टोलीको भनाइ छ ।
Post a Comment