१५ बर्षिय किशोरीको रहस्यमय मृत्यु

 गौशाला: महोत्तरीको बर्दिवासमा एक किशोरीको रहस्यमय मृत्यु भएको छ । मृत्यु हुनेमा बर्दिवास गाविस–३ बस्ने केशव चौहानकी १५ वर्षीया छोरी समीक्षा चौहान रहेकी इलाका प्रहरी कार्यालय बर्दिवासले जनाएको छ । घरमा कोही नभएको बेला विहिबार दिउँसो उनको शव झुन्डिएको अवस्थामा निजकै कोठामा बरामद भएको प्रहरी निरीक्षक अशोक झाले बताए ।

वुधबारमात्रै बुबा केशव जागिरको सिलसिलामा काभे्र गएका थिए भने आमा काम विशेषले घर बाहिर गएको बेला समीक्षाको शव झुन्डिएको अवस्थामा बरामद हुनुले निजको मृत्यु रहस्यमय भएको प्रहरीले अनुमान गरेको छ । उनी बर्दिवास बोर्डिङ स्कुलमा कक्षा १० मा अध्ययनरत थिइन् ।