स्कुले केटीहरु छुटाउन बोको हरामलाई कुमारित्व सुम्पने पप गायिकाको प्रस्ताव

 नाइजेरियाका पप गायिका एयोकियाले इस्लामिक चरमपन्थी संगठन बोको हरामको नियन्त्रणमा रहेका स्कुले किशोरीहरु छुटाउन आफ्नो कुमारित्व सुम्पने प्रस्ताव गरेकी छन् । बोको हरामका लडाकूहरूले गत अप्रिलदेखि चिबोकमा बन्धक बनाएका २७६ स्कुले किशोरीहरुलाई बन्धक बनाएर राखेका छन् ।

२३ वर्षीया गायिकाले नाइजेरियाको पत्रिका भेनगार्डसँग भनेकी छन्-’अहिले रातको ११ बजेको छ र तपाईलाई थाहा छ म के सोचिरहेका छु ? ती साना केटीहरु कहाँ छन् र उनीहरुलाई के गरिराखिएको छ । यो अनुचित छ । उनीहरु सानै छन् । म उनीहरुको सट्टा आफूलाई अफर गर्छु ।’ ।’
राष्ट्रसंघका शान्ति दूत समेत रहेकी उनले अघि भनेकी छन्-’उनीहरु १२ देखि १५ वर्षका छन् । म ठूलो छु र अनुभवी पनि । यदि एक रातमा १०/१२ जना भएपनि मलाई परवाह छैन । बस, ती किशोरीहरुलाई आफ्नो अभिभावकहरुसँग जान देऊ ।’

समाजिक संजालमा गायिका एयोकियाको प्रस्तावको खुलेर प्रशंसा भएको छ । एक फलोअरले त उनलाई नोबेल शान्ति पुरस्कार दिनु पर्ने मत व्यक्त गरेका छन् ।
सेनालेभने बोको हरामको नियन्त्रणमा रहेका स्कुले युवतीहरुको उद्दार प्रयास जारी राखेको छ ।