२ वर्षको छोरी र १० महिनाको छोरा पहिरोले बगायो

  प्यूठानमा बाढीपहिरोमा ४ जनाको मृत्यु भएको छ  । प्यूठानको खुङ ७ र ८ मा पहिरोमा पुरिएर ४ जनाको मृत्यु भएको छ । 

प्रेमबहादुर गिरीको घर बगाउँदा उनको २ वर्षको छोरी आयुसा गिरी, १० महिनाको छोरा आयुस गिरीको मृत्यु भएको छ । उनको श्रीमति गम्भिर घाइते भएकी छिन् ।   यसैबीच स्थानीय  देवा भण्डारीको घर बगाउँदा उनको मृत्यु भएको छ ।
त्यस्तै स्थानीय डोमबहादुर गिरीको घर बगाउँदा उनी बेपत्ता भएका छन् । उनकी श्रीमती र छोरी भने सकुसल छन् । बाटोमा हिँडिरहेका खुङ ७ का २६ वर्षीय राजु कुवँरको एक्कासी आएको बाढीसहितको पहिरोमा पुरिएर मृत्यु भएको छ ।

घटनास्थलमा पुग्नका लागि तीन घण्टाको सवारी यातायात पछि थप एक घण्टा जति हिँड्नुपर्ने भएकाले समय लाग्ने प्रजिअ प्रमुख जिल्ला अधिकारी रामबहादुर कुरुम्वाङले जानकारी दिए ।