‘मेरो बेड सिनले मेरी श्रीमतीलाई कुनै फरक पर्दैन’

(एजेन्सी)– आजकाल एक बोल्ड गीत ‘आज फिर तुम पर’ ले मानिसहरुको रातको निन्द्रा नै उडाएको छ । मानिसहरु ‘हेटस्टोरी २’ प्रदर्शन हुने दिनको व्यग्र प्रतिक्षामा छन् । विक्रम भट्टको यो सिक्वेल फिल्ममा टिभिका हिरो जय भानुशाली र हिरोइन सुरवीन चावलाको मुख्य भुमिका रहेको छ । फिल्मको यो गीतमा दुबै निकै इन्टिमेट भएको देखिन्छन् । सुन्नमा आएको छ कि यो गीतको बारेमा जयकी असली श्रीमती माही निकै रिसाएकी छिन् । तर, यसको खण्डन गर्दै जयले यो कुरा साँचो नभएको बताउँछन् । हुन त माहीलाई यो सबै कुरामा के आपत्ति होला र ? माही पनि व्यवसायिक छिन् र जे कुरा फिल्ममा देखाइन्छ त्यो सबै फिल्मको कहानीको हिस्सा भएको कुरा उनलाई थाहा छ । उनी भन्छन्, ‘यी सबै कुराहरु आधारहिन हुन् । म मेरी श्रीमती माहीलाई निकै माया गर्छु र उनी त्योभन्दा बढि माया मलाई गर्छिन् । उनी मेरो इन्टिमेट दृश्यहरुसँग निकै सजिलो महसुस गर्छिन् । यो फिल्मको ट्रेलर ६ जुनमा लञ्च गरिएको थियो र युट्युबमा यसलाई २०,००,००० हिट्स पाएको छ । फिल्म १८ जुनमा रिलिज हुने भएको छ ।