रञ्जनले बोलाएपछि अंगालोमा अशिष्मा

चलचित्रमा व्यस्त भएपनि नायिका अशिष्मा नकर्मी भिडियो खेल्नमै अग्रसर छिन् । भिडियोमा अत्याधिक देखिने अनुहार चलचित्रको पर्दामा बिकेका छैनन् । तर पनि चलचित्रका नायिकाहरु भिडियोमा भने अभिनय गर्न माहिर छन् । नायिका रेखा थापाले मात्र आजसम्म भिडियो खेलेको पाइदैन । अशिष्माले ‘अन्तराल’ र ‘तोरी लाहुरे’मा अभिनय गरेपनि सफलताको छाप छोड्न सकेकी छैनन् । उनका आधा दर्जन चलचित्र प्रदर्शनका लागि तयार छन् ।


निर्देशक विधान कार्कीले नायिका अशिष्मा नकर्मीलाई दोश्रो पटक भिडियोमा अभिनय गराएका छन् । मोडल रञ्जन रिजालको साथमा नकर्मीले हालै मात्र एक भिडियोमा अभिनय गरिन् ।

सुमन गुरुङको स्वर, शब्द तथा संगीतमा तयार भएको ‘किन किन बोलाको’ बोलको गीतको भिडियो तयार भएको छ । ज्ञानेन्द्र शर्माको छायांकन रहेको भिडियोलाई फर्पिङ र बालाजुका दृश्यमा उतारिएको छ । भिडियोमा माया प्रेमको अभिव्यक्ती प्रस्तुत गरिएको छ ।