साजिदले छोडेपछि ज्याकिलनलाई रोज्दै सलमान

२०७१ असार ६ गते
बलिउड नायक सलमान खानले धेरै यूवतीहरुलाई बलिउडको बाटो देखाएका छन् । जसमध्ये केही हिरोइन हिट पनि छन् । यूवतीसँग चाडै नै नजिक हुन माहिर सलमान यतिबेला आफ्नो नयाँ चलचित्र ‘किक’को प्रमोशनमा व्यस्त छन् । चलचित्रमा नायिका ज्याकलिन फर्नान्डेज छिन् ।
ज्याकलिनलाई बलिउडमा स्थापित गराउन सलमान लागिपरेको देखिन्छ । ज्याकलिनलाई बलिउडको अर्को सुपरस्टार भन्न पछि पर्दैनन् सलमान । उनले ज्याकलिनका तुलना बलिउडकी सफल नायिका जिनत अमानसँग गरेका छन् । ‘बलिउडमा अर्को जिनत कोही हुन्छ भने त्यो ज्याकलिन नै हुन्’, सलमानले एक कार्यक्रममा भने ।
निर्देशक साजिद खानसँग प्रेम सम्बन्ध टुक्राएपछि ज्याकलिन यतिबेला एक्लै भएकी छिन् । सायद यही भएर नै होला, सलमान खान ज्याकलिनको यसरी बर्णन गर्दैछन् ।