अभिनेता सत्रुघ्न सिन्हा मोदीसँग रुष्ट

(एजेन्सी)–भारतीय अभिनेता एवं लोकसभाका सांसद सत्रुघ्न सिन्हाले भाजपाका नेता लालकृष्ण आडवाणी र मुरली मनोहर जोशीलाई मोदी सरकारबाट अलग राखेकोमा असन्तुष्टी व्यक्त गरेका छन् । उनले भनेका छन, ‘आडवाणी र जोशी कुनै पनि पदका लागि योग्य छन् ।’
अभिनेता सिन्हाले सरकारमा सहभागी गराउन कथित ७५ वर्षे हदवन्दीप्रति असहमती जनाएका छन् । ‘७५ वर्षको उमेर हदबन्दीसँग म सहमत छैन । अनुभव क्षमता ठूलो कुरा हो । पार्टीमा धेरै वरिष्ठ नेता छन् जो ४५ वर्षका नेताभन्दा तेज छन्’, उनले भने । लालकृष्ण आडवाणी र जोशी दुबै प्रतिभाशाली भएको र जुनसुकै पनि पदका लागि योग्य भएको उनले बताए ।