मलेसियाको केलान्तान राज्यमा एक १५ वर्षीया किशोरीलाई ३८ जनाले सामूहिक बलात्कार गरेको खुलासा त्यहाँका स्थानीय सञ्चार माध्यमले गरेका छन् । देशको
उत्तरी क्षेत्रमा पर्ने स्थानमा भएको उक्त बलात्कारमा संलग्न मध्ये १३ जनालाई प्रहरीले पक्राउ गरिसकेको र अन्यको खोजी भैरहेको समाचारमा जनाइएको छ ।
स्थानीय अस्ट्रो अलानी टेलिभिजन र स्टार दैनिकले गत मे २० मा स्थानीय लागु औषध दुर्ब्यसनीहरुको अखडामा लगेर ती किशोरीलाई सामूहिक बलात्कार गरिएको
जनाएका छन् ।
ती पुरुषहरुले घन्टौं सम्म युवतीलाई बलात्कार गरेको र उनकी साथी समेत बलात्कारमा परेको आशंकामा प्रहरीले अनुसन्धान गरिरहेको छ ।
स्थानीय प्रहरीलाई उद्धृत गर्दै सञ्चार माध्यमहरुले बलात्कारमा ३८ जना संलग्न रहेको बताएका छन् ।
पक्राउ परेका मध्ये अधिकाँश पुरुषमा एचआइभी पोजेटिभ देखिएको समेत समाचारमा जनाइएको छ ।
पक्राउ पर्नेमा बाबु र उनका २ छोरा समेत छन् ।
मलेसियामा भएको यो घटनाले एसियाली देशहरुमा महिलाहरु बढी असुरक्षित रहेको भन्ने रिपोर्टहरुलाई बल पुगेको छ ।
सन् २०१२ मा मलेसियामा ३ हजार बलात्कारका घटना भएकोमा ५२ प्रतिशत भन्दा बढी केटी १६ वर्ष भन्दा कम उमेरका थिए ।
Post a Comment